أبي أبڪي من أإلضيقهه ..

السسلـــآأمم عليڪڪڪمم ورحممةة اآللهه وبرڪڪــآإتهه..
^
^
^
^
^
ابي ابكي من الضيقة..
وابعزف للهموم ألحان
أبي اطلق مواويل الحزن..
وبطرح كل دواويني

أبي أشكي
أبي احكي
ابوصف للبشر حرمان
أبيهم كلهم يدرون
أبيهم يشعروا فيني

أبي لا من طرى اسمي
بكى من لوعتي شيبان
أبي لامن طرى"عاشق" ذكر من كان يغليني

أبيهم يذكرون...
أني صرت بدمعتي غرقان
أبيهم يعرفون..
الهم هو اللي صار يخاويني
أبي أصرخ
وأبلغهم
وأقول أن الفرح خوّان
يجي مرة معاي
و هو طول العمر ناسيني

أبي اترك لهم قصة وأخيّرهم على العنوان
يسمّوا "حزن "يحطوا "دمع" ..ما عاد يعنيني
أبي لامن وصل صوتي
يحس بضيقتي إنسان
أبي لامن نزف جرحي
لقيت اللي يداويني
أبي شخص يجي يمي
و يقفل للعنا بيبان
أبيه يكون لي خلٍ وعلى حزني يواسيني

أبيه لمركبي مرسى..
وأبيه لغربتي أوطان..
أبي لامن ذرفت الدمع لقيته لي يعزّيني

أنا ما أبيه يصبح ضلع أبيه يكون لي ضلعان
أبي لا من مشيت وطحت
يحـــــــــط يديه في يديني
إلامن خانني التعبير
أبيه يكون لي لسان
أبي لامن سكتْ ألقاه .
.يفهم من نظر عيني
أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني

أبي أعشق
وأبي أغرم
ويبني للهوى بنيان
أبيه يكون مبنى ضخم
ويسكن فيه مغليني

أبي واحد يسكن بي وابطرد لأجله السكّان
أبي يسكن وسط قلبي
وعمره ما يخلـــــــــيني


أبي أشعل شموع الحب
وبأعطي من الغلا بستان
أبي أهديه باقة ورد ..مسقيها شراييني ..



ممآإرآإق لــــــي ..
ودي لــآإروآحڪڪڪمم ..
ممحبتڪڪڪڪڪمم .. عنوؤوؤوؤودي ..

ثآآنكس..

ولڪْڪْڪْممو @@